لو زادت نسبة الدهون فى الجسم  اعلى من 20% عند الرجال واعلى من 30% عند النساء,بتكون خطيرة فالامر مش بيتعلق بوزنك كام لكن يتعلق بتوزيع الماء والدهون والعظام فى جسمك وبيعاني بعض الأشخاص من ارتفاع نسبة الدهون الثلاثية فى الجسم ، بسبب الإفراط في تناول الأطعمة الدسمة،وده بيسبب الإصابة بأمراض القلب والشرايين، نتيجة ترسبها فى الأوعية الدموية.علشان تقدر تقلل الدهون فى جسمك وتحمى جسمك من الامراض بتحتاج تحافظ على نظام معين وتلتزم بيه فمعدل حرق الدهون فى جسمك هو امر مهم جدا

 أولا :- تقليل السكر والكربوهيدرات 

تقليل السكر والنشويات اللى بتدخل الجسم   ليه دور كبير فى تقليل نسبة الدهون فى الجسم , لان استهلاك كمية كبيرة منه بتؤدى الى الوفاة وأمراض القلب وبيكون فى طريقتين مختلفين لتقليل كمية النشويات

نظام تحديد ميعاد تناول النشويات (الكربوهيدرات ):

يمكن تناول النشويات (الأرز البني والفول والشوفان) قبل 6 مساءًا، وعدم بتناول النشويات في وقت متأخر من الليل , وتناول كمية نشويات بسيطة بعد التمرين 

نظام تدوير النشويات :    وهو انك تحدد بعض الأيام تتناول فيه كمية قليلة من النشويات وده بيساعد على حرق وتقليل الدهون من الجسم ويوم واحد تتناول فيه كمية كبيرة من النشويات وده بيساعد على التمثيل الغذائى وتجديد قدرة الجسم على الحرق 

ثانيا:- حرق الدهون عن طريق النظام الغذائي 

الدهون اللى بيحتاجها جسمك تكون فى نظامك الغذائى موجودة في :الأسماك الدهنية زى السلمون وزيت الزيتون والأفوكادو والمكسرات

والدهون اللى بتضر جسمك وبتحتاج تتجنبها هى :الدهون اللى بتكون على هيئة معلبات , والحلويات  زى الكوكيز والكيك ورقائق البطاطس والوجبات السريعة والمقلية ،الدهون اللى بتكون مجمده فى درجة حرارة الغرفة العادية زى  الزبدة والسمن وزيت جوز الهند.

يعتقد بعض الناس ان الدهون كلها سيئة وبتضر الجسم لكن بعض الدهون بتكون مفيدة , ولو اخدت كمية قليلة من السعرات الحرارية فى نظامك الغذائى وقدر من الدهون المفيدة ( الغير مشبعة زى اوميجا 3 واوميجا 6 )بتساعد على  حرق الدهون ورفع التمثيل الغذائي

ثالثا :- نظم أوقات اكلك 

بحيث يفصل ما بين كل وجبة والاخرى ما لا يقل عن 3 ساعات يمكن أنها تساعد في منع تراكم الدهون وبتسرع من عمليات التمثيل الغذائى  في الجسم وده بيساهم في خسارة الوزن. وأيضا تكون عدد الوجبات اللى بتاكلها  يوميا ميقلش عن اربع الى ست وجبات يومياً، وينصح بتقسيمها الى ثلاث وجبات رئيسية ووجبتين الى ثلاث وجبات خفيفة

رابعا : تغيير أسلوب ونمط الحياة 

شرب كميات مناسبة من المياة  : لانها بتساعد الجسم على التخلص من السموم , فيجب أن يشرب النساء حوالي 3 لتر يوميًا، ويجب أن يشرب الرجال حوالي 4 لتر 

• تجنب شرب المياة الغازية : تعتبر المياه الغازية من المشروبات الغنية بالسعرات الحرارية، الأمر اللى  بيؤدي إلى زيادة الوزن عند شربها                                                                                                                    خامسا : التمارين الرياضية فى حرق الدهون 

فالمفروض ميقلش اسبوعيا عن 150 دقيقة فى ممارسة النشاط البدنى وده بيزود الكتلة العضلية فى جسمك وبيساعدك على حرق الدهون مثل والمشي والسباحة والجري وركوب العجل 

حيث أن  الرياضة بشكل يومى على ان لها دور كبير فى زيادة نسبة الكوليسترول الجيد فى الجسم وحرق الدهون