الوسواس القهري
- 2022-02-16
الوسواس القهري
الوسواس القهري منتشر بين الأمراض النفسية بنسبة كبيرة في المجتمع ، ، لكن للأسف بيتم تشخيصه متأخر لأن المريض بيخفى مرضه لسنين كتير
مرضى الوسواس القهرى احيانا بيكونوا مدركين ان تصرفاتهم مبالغ فيها ومش منطقية وبيحاولوا يتجاهلوها أو يغيروها لكن المحاولات دى بتزود عندهم الإحساس بالضيق والقلق ، علشان بيعتبروا التصرفات دى بالنسبالهم إلزامية علشان يقدروا يقللوا من الشعور بالخنقة.
اضطراب الوسواس القهري أو ( Obsessive Compulsive Disorder ) هو مرض مرتبط بالقلق بسبب أفكار مش منطقية وأن بعض التصرفات بتتكرر إجباريًا (قهريا) , وده بيعطل الحياة اليومية للمريض.
أعراض الوسواس القهري
بتختلف الأعراض الوسواسية من شخص لآخر وهي عبارة عن أفكار وتخيّلات بتتكرر دايما ، عنيدة وغير اراديّة ، أو دوافع غير إراديّة مش منطقية تماما .والفكرة أن الوساوس دى بتسبب ازعاج وقلق شديد لما بيحاول المريض يوجه أفكاره او يعمل اى حاجة تانى و بتتمحور حول موضوع معين زى
- الرغبات العدوانية الشديدة
- الأفكار أو التخيّلات اللى بتتعلق بالجنس
- الخوف من الاتساخ أو التلوّث
- الحاجة إلى الترتيب والنظام هناك أعراض أخري مرتبطة بالوسواس تشمل :-
- الشكوك حول قفل الباب، أو إطفاء الفرن
- الإحساس بالضيق في الحالات اللى بتكون فيها الاغراض الشخصية مش مرتّبة
- تخيّلات متكرره عند المريض بقيام الناس بأذى أبنائه
- الإحساس بالرغبة في الصراخ الشديد في حالات مش مناسبة
- الخوف من الامراض المعدية عند السلام على الآخرين، أو لمس اشياء يكون لمسها شخص تانى قبل كده
- تخيّلات متكرّرة لصور إباحيّة
- التهابات فى الجلد نتيجة غسل اليدين بشكل متكرر
اسباب الاصابة بالوسواس القهري
ليس هناك سبب واضح للإصابة لكن الدراسات وضحت عوامل محتملة بتزود من خطر الإصابة وهى - قلة نسبة السيروتونين فى الدماغ :
- السيروتونين : هو واحد من المواد الكيماوية الضرورية لعمل الدماغ , لو كان مستوى السيروتونين مش كافى وأقل من اللازم , فاحتمال أن ده يساعد فى اضطراب الوسواس القهري.
عوامل جينية ووراثية : و بعض الادلة الاخرى بتقول بان فى أسباب جينية ووراثية وراء الاصابة لكن متحددش لحد دلوقتى الجينات المسؤولة عن اضطراب الوسواس القهري عوامل بيولوجية : بعض الأدلة بتقول إلى أن اضطراب الوسواس القهري نتيجة لتغيير كيماوي بيحصل في جسم المصاب، أو في أداء دماغه.
أكثر سلوكيات لمرضى الوسواس القهرى انتشارا
- رفض لمس مقابض الابواب رفض السلام على الاخرين بالايدى .
- ترتيب الاشياء بشكل بطريقة دقيقة جدا وتناول اطعمة معينة بترتيب ثابت .
- التلعثم فى الكلام والأفكار المزعجة اللى بتسبب اضطرابات فى النوم .
- تكرار الوضوء والصلاة او عبارات معينة بتلح على الشخص المريض .
- الاستحمام أكثر من مرة فى نفس اليوم ، أو غس
- غسل اليدين المفرط .
العلاج الدوائي لاضطراب الوسواس القهري : بعض الأدوية بتكون مفيدة فى علاج الوسواس القهرى غالبًا بتبدأ بمضادات الاكتئاب لانها بتعلى نسبة السيروتونين، اللى بتكون منخفضة عند الأشخاص المصابين بمرض اضطراب الوسواس القهري ، ومع تقدم الحالة بيتم اللجوء للمهدئات ومعالجة آثار القلق
العلاج النفسي لاضطراب الوسواس القهرى :
تم التوصل لطريقة علاجيّة اسمها ” المعالجة المعرفية (الإدراكية) السلوكية ” (Cognitive behavioral therapy – CBT) هى ناجحة جدا في معالجة اضطراب الوسواس القهري ، بين الأطفال والكبار وفي الحالات الشديدة بيستغرق العلاج شهور كتيرة علشان يقدر يجيب نتيجة.
